“元朗區"小六升中交流區

ikenmak

birdbird522 發表於 18-12-20 23:42
我都想知哦，邊間校風好，老師有heart,諗定大抽獎30間點填！

因為網站或開放日資訊係比較單向，如果能得知校風，就可以放心去選校。
基本上BAND 1 英中校風都好好，所以想了解下其他元朗中學。

草原

回覆 birdbird522 的帖子

係呀，我囝又係麻麻like男校，我最估唔到係佢自己同我講，“媽咪，我想入返基督教中學。” 既然佢有配合佢能力嘅目標中學，我自己也覺得合適便由他了，依家都適應讀得開心。豬B反而有唔同諗法，我都唔勉強佢要同哥哥讀同校。
始終係囝囡讀，唔係我讀呀嘛。
題外話長天都係男仔熱門學校哩，印象中好似好重視體育，不過我就冇去過觀校。

ikenmak

草原 發表於 18-12-21 07:45
回覆 birdbird522 的帖子

係呀，我囝又係麻麻like男校，我最估唔到係佢自己同我講，“媽咪，我想入返基督 ...

你仔仔比較識諗，我仔仔埋怨我幫他報團契，話好鬼悶，又話早會成日講聖經，所以信仰真係不能強求，由他自己決定。

妹妹頭

回覆 birdbird522 的帖子

我女都係讀一間精英制既小學, 校長只會睇精英班升中, 阿女都係自行一(跨區)考入崇德

妹妹頭

回覆 草原 的帖子

我女自小都愛天主教學校, 幼稚園, 小學都係天主教, 佢自己都話希望中學都可以入一間天主教既中學, 而且佢講明一定唔會讀女校, 要讀男女校, 所以我上年選校好清晰

草原

ikenmak 發表於 18-12-21 08:14
你仔仔比較識諗，我仔仔埋怨我幫他報團契，話好鬼悶，又話早會成日講聖經，所以信仰真係不能強求，由他自 ...

放心啦，我自己讀天主教小學同基督教中學，直到依家都係信自己，我一定唔係聖人，但思想正面。
我見我大囝返團契有班朋友仔一齊互相搞吓笑喺學校唱吓詩歌考試前又叫導師幫佢祈禱，可能呢啲感覺令佢舒服啩。宗教係個人取向，我豬B咪同你囝一樣，返團契駁咀多過聽道，勉強不來，只要佢保持積極思想就可以了。

ikenmak

妹妹頭 發表於 18-12-21 08:30
回覆 birdbird522 的帖子

我女都係讀一間精英制既小學, 校長只會睇精英班升中, 阿女都係自行一(跨區)考入 ...

我覺得精英制沒有問題，老師可以因材施教，班房內學生太大差異真係好難教！
不過，學校要關顧不同程度學生需要，成績一般的也有其他個人特質發展，始終孔子咁勁，3000學生都係72尖子，其他學生也有另一方面發展呢！
校長不能只看成績，而忽略其他優點。

草原

ikenmak 發表於 18-12-21 07:08
因為網站或開放日資訊係比較單向，如果能得知校風，就可以放心去選校。
基本上BAND 1 英中校風都好好，所 ...

[size=28.9406px]唔係住元朗，上述學校我只去過基元的簡介會，所以冇嘢可以講。

[size=38.6938px]至於天水圍呢幾間，我只去過羅中簡介會。平日見學生舉止儀容都好規矩，至於其他幾間目測又冇乜特別問題。


[size=43.8142px]即使我哋眼中嘅band 3 中學，我都遇到好有禮貌好勤力嘅學生。有一次喺商務搵書，旁邊就有個男仔好有心機介紹啲初中練習比我，話比我知佢暑假後就中四，所以買練習返去做，因為知道自己要為DSE努力，我即刻比like佢，大家仲交換埋電話添。

ikenmak

草原 發表於 18-12-21 09:32
唔係住元朗，上述學校我只去過基元的簡介會，所以冇嘢可以講。

至於天水圍呢幾間，我只去過羅中簡介會。平 ...

謝謝你的分享經驗！所有學校都有好學生和壞學生，其實校風好睇該校是否捉緊學生行為（個人認為）,朋輩影響也不少。

所以選校都想搵間好學生佔多數的學校（BAND 1 英中唔駛講梗乖）,按子女相若程度中學再了解情況。

個人比較想了解以下2間：
1. 基朗
2.鄧佩瓊

希望有子女讀緊或身邊認識者可分享下，謝謝！

birdbird522

回覆 ikenmak 的帖子

其實我由上年已去中學資訊日，加埋今年，我睇左直資李兆基書院，青中，基崇，官津睇左長天，天官，羅桂祥，鄧兆堂，趙中，基元，基朗，屯門崇真。係屯天冇去睇，但知道屯天校風都ok, 以前5個band 時，屯天係band1, 但唔知點解而家係2A?!

ikenmak

草原 發表於 18-12-21 09:32
唔係住元朗，上述學校我只去過基元的簡介會，所以冇嘢可以講。

至於天水圍呢幾間，我只去過羅中簡介會。平 ...

好似有啲學生著住校服食煙，食到上報紙，如果迫我選校寧願去屯門，都唔揀佢啦！

所以選中學真係要搵間管理嚴謹一些（個人認為）

ikenmak

birdbird522 發表於 18-12-21 10:12
回覆 ikenmak 的帖子

其實我由上年已去中學資訊日，加埋今年，我睇左直資李兆基書院，青中，基崇，官津睇 ...

屯天我都好鍾意，不過地理位置不太方便，要轉輕鐵，不忍心6年都咁轉載。

恕我愚昧：“長天”是什麼校？係咪長沙灣天主教中學？（我不太懂）

birdbird522

回覆 ikenmak 的帖子

長天係長沙灣天主教，男校。屯天對於我黎講，地點都係唔太方便，但如果可以入讀，可能考慮搬屋。

birdbird522

回覆 ikenmak 的帖子

邊間著校服食煙？

birdbird522

回覆 ikenmak 的帖子

基朗，鄧佩瓊，我都識人讀緊，學術就一定唔係好叻，入到精英班讀書風氣就比較好，基朗校風，老師都好，鄧佩瓊鄰居個女話學校正正常常，都ok。

ikenmak

birdbird522 發表於 18-12-21 10:34
回覆 ikenmak 的帖子

邊間著校服食煙？

唔方便直述（怕被刪除）,俾啲貼士你估：
四季之中，天氣最熱季節就係了。
不過我估你都唔會揀到果間，放心！

ikenmak

birdbird522 發表於 18-12-21 10:42
回覆 ikenmak 的帖子

基朗，鄧佩瓊，我都識人讀緊，學術就一定唔係好叻，入到精英班讀書風氣就比較好，基 ...

謝謝你的寶貴消息，即係可以在乙部選校名單內，感謝！

cacachow

回覆 ikenmak 的帖子

估到你講邊間b3中學, 但又知道有幾個小朋友, 今年入咗去, 讀得非常開心, 有成就感, 越讀越自信, 越讀越有心機讀書. quiz 10分攞8.5分, 老師又請食野, 好有成功感.  
以前在小學時, 全部機會比晒精英班(無論運動, 視藝, 成績), 永遠係墊底嗰班, 而家好有發揮機會, 老師好重視佢地, 越讀越好,活動又多。都令我對傳聞中的b3中學改觀.  

結論都係講適合.  如果佢地去咗b2中學, 可能又係要追成績做透明人

rainrain613

cacachow 發表於 18-12-21 11:14
回覆 ikenmak 的帖子

估到你講邊間b3中學, 但又知道有幾個小朋友, 今年入咗去, 讀得非常開心, 有成就感,  ...

請問你是講緊邊間中學越讀越有自信心？

cacachow

回覆 rainrain613 的帖子

近大坑渠xx夏